其實，你有可能領聖體

靚仔

上一頁（10／11）		主頁（1／11）

有些教友同學生同我講，個幾兩個月無實領聖體，好唔習慣，好掛住耶穌聖體，好想領聖體。我就同他們說，咁點解你唔返聖堂叫神父送聖體比你？佢哋話，可以嘅咩？無人話過佢知喎，佢以為只有病人可以在彌撒外領聖體。

咁今日我就同大家看看禮規是怎樣寫的。按《彌撒外聖體及聖體奧跡敬禮》第14條：「應教導信友在舉行感恩祭時領聖體，然而，倘若信友在彌撒外有正當的理由要求領聖體，司鐸不應拒絕他們」。

當教友不能正常地參與彌撒去領聖體時，在彌撒外要求領聖體，我相信是一個非常「正當」的理由吧！

同一條文之後繼續說：「再者，那些因阻礙而不能參與團體彌撒的人，也宜經常接受聖體的滋養。如此，他們不只感到自身與主的祭獻相結合，而且也同其它參與祭獻的信友相結合，並獲得兄弟之愛的支持」。相信我們現在可以說是充滿了阻礙而不能參與團體彌撒吧？

咁幾時可以領呢？其實答案是「隨時」，第16條寫道：「彌撒外，可在任何日期、任何時間送聖體。但是，為了信友的利益，最好限定送聖體的時間，好能用較完善的方式行此聖禮，而使信友獲取更大的神益」。當然禮儀年中有些日子係唔可以隨便送聖體的，但除了那幾天外，其實只要你找到神父願意送，你就可以去領的了。當然記得要守聖體齋啦！

看完我咁解䆁後，你會不會回聖堂祈禱時，找神父讓你領聖體呢？

啲神父又唔知會唔會來追殺我呢？但唔關我事㗎，我都是依書直說啫。